உனைக்காணா நாட்கள்
நிமிடங்களாய் கடக்கின்றன….
அந்நிமிடங்கள் அனைத்தும்
யுகங்களால் செய்யப்பட்டவை….
-oO0Oo-
துவைக்கையில் தொலைந்த
மோதிர தேடல் பறையறைந்தது
பசலையின் உடல் மெலிவை…..
-oO0Oo-
கனவு கலைத்த பின்னிரவுகளில்
தனிமையின் பாலைவனமெங்கும்
கால்நோக சுற்றி அலைந்து
களைத்து கண் மூடுகிறேன்
தனிமை இப்போது
கனவுக்குள் நுழைந்துவிட்டிருந்தது….
-oO0Oo-
எடுத்த புகைப்படமெல்லாம்
எடுப்பாய் இருந்த போதும்
ஏதோ குறைவதாய் உணர்கிறேன்
என் தோள் சேர்த்தணைத்த
உன் கையாய் இருக்குமோ?
-oO0Oo-
Disclaimer:
This website and its content is copyright of Uma Manoraj - © [2012].
All rights reserved