உன்னை முதலில்
பார்த்த அன்று
கதவிடுக்கின் ஓரத்தில்
நீ வீசிய
ஒற்றைப் பார்வையில்
கண்டுகொண்டேன்
எனக்கான உன்
வாழ்நாள் காத்திருப்பை.....
~~~~~~~~~~~~~~~~~~~~~~~~~~~~~~~~
இன்னும்
இரண்டாயிரம்
ஆண்டுகள் ஆயினும்
இறக்காமல்
இருக்கும்
இதழால் நீ சிந்தி
இதயத்தில் நான் ஏந்திய
உன் முதல் புன்னகை.....
~~~~~~~~~~~~~~~~~~~~~~~~~~~~~~~~~~
இதோ,
இங்கு தான்....
இங்கே தான்....
நீ உன்
கொலுசை தொலைத்த
இந்த இடத்தில தான்
இன்னும் என்
இதயத்தை நான்
தேடிக் கொண்டிருக்கிறேன்.....
உன் கொலுசு
என்னிடம் கிடைத்தால்
உன்னிடம் தந்துவிடுகிறேன்.....
என் இதயம்
உன்னிடம் கிடைத்தால்
தொலைத்துவிடு உனக்குள்ளே.....
~~~~~~~~~~~~~~~~~~~~~~~~~~~~~~~~~~~~~~
Disclaimer:
This website and its content is copyright of Uma Manoraj - © [2010].
All rights reserved.