முத்து முத்தம் போடவா…. :)

மொழியை விட
உன் மௌனமே
நிறைய காதல் பேசுகிறது….
குறிப்பாக முத்த பொழுதுகளில்…. 
~~~~~~~~~~~~~~~~~~~~~~~~~~~~~~~~~~~~~~~~

கன்னத்தில் தருவதாய் தான்
நமக்குள் ஒப்பந்தம்….
உதட்டில் தவறி விழுந்தால்
அதற்கு முழுக்க முழுக்க
காதலே பொறுப்பு….
~~~~~~~~~~~~~~~~~~~~~~~~~~~~~~~~~~~~~~~~

நம் உதடுகள்
நசுங்கவே
இத்தனை யுகமாய்
முத்தம் வளர்த்து
காத்திருக்கிறது
காதல்….
~~~~~~~~~~~~~~~~~~~~~~~~~~~~~~~~~~~~~~~~

உன்னை
அழகாக தூண்டுவதும்
என்னை
அளவாக தீண்டுவதும்
முகத்திற்கும்
முத்ததிற்குமான
கண்ணா மூச்சி ஆட்டம்….
~~~~~~~~~~~~~~~~~~~~~~~~~~~~~~~~~~~~~~~~

நீ
தருவதாக கூறி
ஏமாற்றும்
ஒவ்வொரு முறையும்
உன் உதட்டிற்கெதிரான
என் முத்த தாக்குதல்
எல்லை தாண்டும்…
எச்சரிக்கிறேன்…
~~~~~~~~~~~~~~~~~~~~~~~~~~~~~~~~~~~~~~~~

உன் விழி வானில்
காதல் மேகங்கள்
அதிகமாக
காணப்படுவதால்,
இன்று
முத்த மழை
பரவலாக பெய்யுமென
எதிர்பார்க்கப்படுகிறது….
~~~~~~~~~~~~~~~~~~~~~~~~~~~~~~~~~~~~~~~~~

Disclaimer:
This website and its content is copyright of Uma Manoraj - © [2011].
All rights reserved.